Beatriz Dourado
Nacín en Barcelona. Son filla e neta de emigrantes galegos. Na actualidade vivo, e circunscribo parte dos meus soños, na cidade amurallada de Lugo. Escribo e devoro libros desde moi nena, xa que non entendo esta vida sen o nutriente das letras. Adoito escribir relatos e poesía. A defensa da lingua e o feminismo están moi presentes na miña escrita. Acadei algúns premios literarios no eido da narrativa e a poesía como Os viadutos de Redondela, Contos de verán El Progreso ou Terras de Chamoso entre outros. Recentemente fun galardoada no Certame de Poesía Avelino Díaz.
